PAŞA Sığorta ASC Müştəri Əlaqələri Departamentində müştəri qəbulu üzrə təcrübəçi vakansiyası üçün namizədləri peşəkar komandaya qoşulmağa dəvət edir.
Vəzifə haqqında
Bu təcrübə proqramı şirkətə müraciət edən müştərilərə ilkin xidmətin yüksək səviyyədə göstərilməsi və Müştəri Əlaqələri Departamentinin gündəlik işinə dəstək verilməsi məqsədi daşıyır.
Təcrübəçi müştəri müraciətlərinin qeydiyyata alınması, sənədləşdirilməsi və həlli proseslərinə kömək edəcək, məlumatların sistemə düzgün daxil olunmasına nəzarət edəcək və müsbət müştəri təcrübəsinin formalaşmasına töhfə verəcək. Bu fəaliyyətlər şirkətin xidmət standartları və korporativ dəyərləri çərçivəsində həyata keçiriləcək.
Öhdəliklər
- Şirkətə müraciət edən müştərilərə keyfiyyətli xidmət göstərilməsi və tələb olunan sənədlərin toplanması prosesinə dəstək olmaq;
- Müştərilərlə vaxtında geri əlaqənin qurulmasına kömək etmək;
- Səlahiyyət çərçivəsində müraciətlərin həlli üçün müştərilərin ətraflı məlumatlandırılmasına dəstək vermək;
- Sığorta qanunvericiliyi ilə bağlı daxil olan sualların cavablandırılmasına yardım etmək;
- Məlumatların proqram təminatına tələblərə uyğun şəkildə, tam və dəqiq daxil edilməsini təmin etmək;
- Proqram təminatında yaranan xətalar haqqında birbaşa rəhbərə yazılı formada məlumat vermək;
- Gündəlik işi şirkətin strategiyasına və korporativ dəyərlərinə uyğun şəkildə icra etmək.
Bilik və bacarıqlar
- Mövcud qanunvericilik üzrə ilkin biliklərə sahib olmaq;
- Müştərilərlə effektiv işləmək bacarığı;
- Fikirləri aydın və səlis şəkildə ifadə etmək qabiliyyəti;
- Yüksək məsuliyyət hissi və dəqiqlik;
- Komanda ilə işləmək bacarığı;
- Dəyişən vəziyyətlərə operativ uyğunlaşmaq və çevik reaksiya vermək bacarığı;
- Stressə davamlı olmaq;
- Dil bilikləri: Azərbaycan və rus dilləri.
Təhsil və təcrübə
- Ali təhsil, bakalavr dərəcəsi;
- Yeni məzunlara və ya son kurs tələbələrinə üstünlük verilir;
- Müvafiq sahə üzrə iş təcrübəsi tələb olunmur.
Biz nə təklif edirik?
- Peşəkar inkişaf və karyera yüksəlişi imkanları;
- Mehriban və dəstəkləyici komanda mühiti;
- Şəffaflıq və korporativ idarəetmə mədəniyyəti;
- Peşəkar təlim və inkişaf proqramlarından yararlanmaq imkanı;
- “Great Place To Work” sertifikatlı şirkətdə işləmək imkanı.
Müraciət qaydası
Maraqlanan namizədlər “Müraciət et” düyməsində göstərilən link vasitəsilə müraciət edə bilərlər.
Yalnız ilkin seçim meyarlarına uyğun olan namizədlərlə əlaqə saxlanılacaq.
