Yeni Saray yolu (1.5 km) ünvanında fəaliyyət göstərən şirkət Müştəri Təmsilçisi vəzifəsi üzrə işçi axtarır. Bu rol müştəri bazasının idarə edilməsi, sifariş və çatdırılma proseslərinin izlənməsi, habelə müştəri məmnuniyyətinin təmin edilməsi üzərində fokuslanır.
Vəzifə və Məsuliyyətlər
- Müştərilərin rekvizitlərini, əlaqə məlumatlarını, hüquqi və faktiki ünvanlarını toplayaraq müştəri bazasına daxil etmək
- Şirkətin məhsul və xidmətlərindəki qiymət dəyişiklikləri, avadanlıqların təchizat müddətləri barədə müştəriləri vaxtında məlumatlandırmaq
- Müştərilərlə daimi iş əlaqəsi qurmaq və saxlamaq
- Müştəri ödənişlərinin icrasına nəzarət etmək, ödəniş statusu barədə rəhbərliyə hesabat vermək
- Anbardan malların çıxarılması üçün tələbnamə tərtib etmək və müştəriyə çatdırılmanı təmin etmək
- Malların çatdırılma müddətlərinə riayət olunmasını izləmək; gecikmə yaranarsa, rəhbəri dərhal xəbərdar etmək
- Avadanlıqlar çatdırıldıqdan sonra müştəridən texniki xüsusiyyətlərə uyğunluq, qablaşdırma vəziyyəti və mümkün qüsurlar barədə rəy toplamaq
- Müqavilə öhdəlikləri ilə bağlı müştəri pretenziyalarını qeydə almaq və rəhbərliyə çatdırmaq
- Prezentasiya və sərgilərin hazırlanmasında iştirak etmək, bu tədbirlərdən əldə edilən məlumatları sənədləşdirmək
- Görülən işlər üzrə müntəzəm hesabat tərtib edərək rəhbərliyə təqdim etmək
Namizədə Tələblər
- Ali təhsil
- Müvafiq sahədə 3-5 il iş təcrübəsi
- Şirkətin məhsullarını müştərilərə təqdim etmək bacarığı
- Müştəri tələblərini müəyyən edilmiş şərtlər çərçivəsində yerinə yetirmək qabiliyyəti
- Azərbaycan dili — səlis; rus və ingilis dilləri arzuolunandır
- Analitik düşüncə tərzi
- MS Office və digər ofis proqramlarında işləmə bacarığı
- Tapşırıqları müəyyən edilmiş müddətdə və tələb olunan keyfiyyətdə icra etmək
İş Şəraiti
- İş qrafiki: həftənin 5 günü, saat 09:00–18:00
- Əmək haqqı: 1400 AZN
- Ünvan: Yeni Saray yolu, 1.5 km
- Nahar, korporativ nömrə və ofis ləvazimatları şirkət tərəfindən təmin edilir
Müraciət Qaydası
Tələblərə cavab verən namizədlər şəkilli CV-lərini e-poçtun mövzu sətrində «Müştəri təmsilçisi» qeyd edərək Müraciət et düyməsindəki ünvana göndərə bilərlər. Tələblərə uyğun olmayan namizədlərin müraciət etməməsi xahiş olunur.
