Restoran və otel sektorunda fəaliyyət göstərən şirkətimiz Ofisiant vəzifəsi üzrə açıq vakansiya elan edir. Qonaq xidməti sahəsində təcrübəyə malik, ünsiyyətcil və məsuliyyətli namizədlərin müraciəti nəzərdən keçiriləcəkdir.
Vəzifə öhdəlikləri
- Qonaqların sifarişi zamanı menyu haqqında ətraflı və düzgün məlumat vermək, lazımi məsləhətlər təqdim etmək;
- Qonaqları masanın yerləşmə planına uyğun şəkildə qarşılamaq və oturmalarına yardım göstərmək;
- Yemək və içki seçimində qonaqlara tövsiyə və təkliflər vermək;
- Qəbul edilən sifarişləri sistemə daxil edərək mətbəx və bara ötürmək; xüsusi pəhriz tələbləri və digər fərdi istəklər barədə müvafiq şəkildə məlumat vermək;
- Qonaqlara daim keyfiyyətli xidmət göstərilməsini təmin etmək, masa ətrafının səliqəli saxlanmasına nəzarət etmək;
- Menyu ilə əvvəlcədən tanış olmaq və onu qonaqlara düzgün şəkildə təqdim etmək;
- Növbə təhvil-təslimi zamanı şöbənin daxili prosedurlarına riayət etmək;
- Məişət avadanlıqlarından qaydalara uyğun istifadə etmək və onların təmizliyini qorumaq;
- Qida və içkiləri müəyyən edilmiş xidmət standartları və icra ardıcıllığına uyğun olaraq qonaqlara təqdim etmək.
Namizədə olan tələblər
- Müvafiq sahədə iş təcrübəsi; 4 və 5 ulduzlu oteldə çalışmış namizədlərə üstünlük verilir;
- İngilis və rus dili biliklərinin olması arzuolunandır;
- Səlis və aydın nitq qabiliyyəti;
- Qonaqpərvərlik sənayesi və yemək xidməti protokolları haqqında bilik;
- Komanda mühitində səmərəli işləmək bacarığı;
- Enerjili, dəqiq, məsuliyyətli, yaradıcı, ünsiyyətcil olmaq və işinə həvəslə yanaşmaq;
- Kollektivlə münasibətlərdə mehriban və uyumlu olmaq;
- Vəzifə öhdəliklərini tam həcmdə və vaxtında yerinə yetirmək bacarığı.
İş şərtləri
- Azərbaycan Respublikasının Əmək Məcəlləsinə uyğun rəsmi sənədləşmə;
- İş rejimi: həftədə 6 gün iş, 1 gün istirahət;
- Əmək haqqı: razılaşma əsasında müəyyən edilir.
Vakansiya aktiv deyil, son elanlara aşağıdan keçid edin
