Software Engineer (Tech Lead) vakansiyası elan olunur. Bu vəzifədə siz proqramlaşdırma üzrə təlim alan 200+ tələbə üçün texniki istiqamətə rəhbərlik edəcəksiniz.
Vəzifə öhdəlikləri
- İnstruktor-proqramçılardan ibarət komandaya rəhbərlik etmək;
- İnstruktor-proqramçılar üzrə performans göstəricilərini izləmək və buna uyğun inkişaf strategiyasını formalaşdırmaq;
- Tədris proqramlarının və syllabus-ların hazırlanmasında yaxından iştirak etmək;
- Texniki strategiyanı müəyyənləşdirmək və onun icrasına rəhbərlik etmək;
- Texniki komandanın işə qəbulunu, inkişafını və fəaliyyət nəticələrini idarə etmək;
- Tələbələrin proqramdakı gündəlik irəliləyişini izləmək və onlara mentorluq etmək;
- Layihə əsaslı öyrənmə prosesini idarə etmək və tələbələrə real proqram layihələri üzərində işləməkdə istiqamət vermək;
- Gündəlik stand-up görüşlərini, kod müzakirələrini, pair programming və code review sessiyalarını təşkil etmək;
- Tələbələrin qarşılaşdığı texniki problemlərin həllində yönləndirici mentor kimi çıxış etmək;
- Fərdi mentorluq görüşləri keçirmək və tələbələrin inkişaf planlarını hazırlamaq;
- Tələbələrin proqram üzrə gedişatını izləmək, risk qrupunda olan tələbələri müəyyənləşdirmək və əlavə dəstək göstərmək;
- Texniki müsahibələr, CV baxışı, GitHub portfeli qiymətləndirilməsi və karyera hazırlığı prosesində tələbələrə dəstək vermək;
- Tədris materiallarının, tapşırıqların və praktiki layihələrin hazırlanması və təkmilləşdirilməsinə töhfə vermək;
- Daxili ehtiyaclar üçün rəqəmsal həllərin hazırlanmasında digər instruktur-proqramçılarla birlikdə dəstək göstərmək;
- Hackathonlar, workshop-lar və digər texniki tədbirlərdə iştirak etmək, həmçinin onların təşkilinə dəstək vermək;
- Peerstack Academy-nin təhsil standartları və dəyərlərinə uyğun fəaliyyət göstərmək.
Namizədə tələblər
- Kommersiya proqram təminatı hazırlanması sahəsində minimum 3 il iş təcrübəsi;
- Obyekt yönümlü proqramlaşdırma (OOP) prinsiplərini dərindən bilmək;
- Git və GitHub ilə işləmək bacarığı;
- SQL və verilənlər bazaları ilə işləmə təcrübəsi;
- REST API-lərin hazırlanması və istifadəsi üzrə bilik;
- Proqram təminatının inkişaf prosesi və müasir development workflow-ları haqqında anlayış;
- Problemləri təhlil etmək və həll yollarını izah etmək bacarığı;
- Azərbaycan və ingilis dillərində şifahi və yazılı ünsiyyət bacarığı;
- İngilis dilində texniki sənədlərlə işləmək qabiliyyəti.
Üstünlük sayılan texnologiyalar: Java, Python, JavaScript/TypeScript, React/NextJS, Node.js, Spring Boot, C, C#, Go, Rust, Docker, Linux, AWS və ya digər Cloud platformaları, həmçinin AI və AI inkişaf alətləri.
Arzu olunan namizədlər
- Senior Software Engineer və ya Team Lead təcrübəsi olanlar;
- Junior proqramçılara mentorluq etmiş şəxslər;
- Bootcamp və ya təlim proqramlarında mentor və ya instruktur kimi fəaliyyət göstərmiş namizədlər;
- Open Source layihələrində iştirak etmiş şəxslər;
- Hackathon və ya startup təcrübəsi olanlar;
- AI və müasir proqramlaşdırma alətləri ilə işləyənlər.
Müraciət qaydası
Maraqlanan namizədlər “Apply” düyməsində verilən link vasitəsilə müraciət edə bilərlər. Zəhmət olmasa, e-poçtun mövzu hissəsində vakansiyanın adını qeyd edin.
Bizə müraciət etdiyiniz üçün təşəkkür edirik. Müraciətinizlə tanış olmağı səbirsizliklə gözləyirik.
