Naftalan şəhərində fəaliyyət göstərən obyektimiz üçün Texniki Menecer vəzifəsinə namizəd axtarılır. Bu vəzifə HVAC, MEP, BMS və yanğın-təhlükəsizlik sistemlərini əhatə edən texniki xidmət proseslərinin idarə olunmasını, komanda rəhbərliyini və büdcə planlaşdırmasını özündə birləşdirir.
Təklif olunan şərtlər
- Bazar şərtlərinə uyğun əmək haqqı;
- Ailə paketini əhatə edən könüllü tibbi sığorta;
- “Dəyərlisən” Paşa loyallıq proqramına üzvlük;
- Peşəkar inkişaf üçün təlim və tədris proqramları.
Vəzifə öhdəlikləri
- HVAC, MEP, liftlər, yanğın və təhlükəsizlik sistemləri, BMS daxil olmaqla bütün texniki sistemlər üzrə planlı, qabaqlayıcı və operativ texniki xidmət proqramlarını hazırlamaq və icra etmək;
- Texniki mühəndislər, nəzarətçilər və texniki işçilərdən ibarət komandaya rəhbərlik etmək və onların fəaliyyətinə nəzarət etmək;
- İllik texniki xidmət büdcəsini formalaşdırmaq, xərclərə nəzarət etmək, proqnozlaşdırma və təhlil işlərini həyata keçirmək;
- Büdcəyə uyğunluğu təmin etmək və xərclərin optimallaşdırılması məqsədilə texniki xidmət xərclərini mütəmadi izləmək;
- Yerli qanunvericilik tələblərinə, texniki normativlərə və daxili təhlükəsizlik standartlarına riayət olunmasını təmin etmək;
- Sistemlərin işləkliyi, enerji sərfiyyatı və texniki xidmətə cavab müddəti kimi KPI göstəricilərini izləmək, təkmilləşdirmə istiqamətlərini müəyyənləşdirmək;
- Podratçılar və xidmət təminatçıları ilə iş proseslərini təşkil etmək, müqavilələri idarə etmək və SLA tələblərinə uyğunluğa nəzarət etmək;
- Obyekt idarəçiləri və layihə komandaları ilə əlaqəli şəkildə texniki xidmət işlərini koordinasiya etmək;
- Kapital xərclərini planlaşdırmaq, aktivlərin istismar müddətini izləmək və texniki yenidənqurma layihələrinə dəstək vermək;
- Texniki sənədlərin, sertifikatların və hesabatların vaxtında və düzgün formada hazırlanmasını təmin etmək.
Namizədə tələblər
- Mexanika, Elektrik və ya Müəssisə Mühəndisliyi (Facility Management) sahəsində bakalavr dərəcəsi; magistr dərəcəsi və ya MBA üstünlük sayılır;
- Texniki xidmət və ya müəssisə idarəçiliyi sahəsində 10-15 il ümumi iş təcrübəsi, o cümlədən rəhbər vəzifədə 5-7 il təcrübə;
- Geniş miqyaslı OPEX və CAPEX büdcələrinin hazırlanması və idarəçiliyi üzrə praktiki təcrübə;
- MEP, HVAC, yanğın və təhlükəsizlik sistemləri, enerji idarəçiliyi və BMS sahələrində dərin texniki biliklər;
- CMMS proqram təminatı ilə iş təcrübəsi;
- Liderlik, analitik düşüncə və effektiv ünsiyyət bacarıqları;
- Yerli texniki normativlər, əməyin təhlükəsizliyi qaydaları və dayanıqlı idarəetmə prinsipləri üzrə biliklər;
- CEM, PMP, NEBOSH və ya IFMA/FMP beynəlxalq sertifikatlarından birinin olması üstünlükdür.
İş şəraiti
- İş rejimi: Həftədə 5 gün;
- İş yeri: Naftalan şəhəri.
Vakansiya aktiv deyil, son elanlara aşağıdan keçid edin
