Şirkətimiz korporativ hüquq, maliyyə tənzimlənməsi və uyğunluq sahələrini əhatə edən geniş funksional məsuliyyət dairəsinə malik Hüquqşünas axtarır. Bu vəzifə üzrə çalışacaq namizəd həm daxili hüquqi proseslərin idarəsini, həm də xarici orqanlarla münasibətlərin hüquqi tənzimlənməsini öz üzərinə götürəcəkdir.
Vəzifə Öhdəlikləri
- Şirkətin nizamnamə sənədlərinin, daxili normativ aktlarının və korporativ sənədlərinin hazırlanması və vaxtaşırı yenilənməsi; hüquqi şəxsin dövlət qeydiyyatı, yenidən təşkili və ləğvi prosedurlarının icrası
- Təşkilatın müxtəlif fəaliyyət sahələri üzrə müqavilələrin qanunvericiliyə uyğun şəkildə tərtib edilməsi, onlara əlavə və dəyişikliklərin aparılması, müqavilə reyestrinin aparılması və mütəmadi yenilənməsi
- İdarə heyəti iclaslarının hüquqi cəhətdən təmin edilməsi və iclaslar üzrə protokolların hazırlanması
- Maliyyə bazarlarını tənzimləyən nəzarət orqanları ilə hüquqi münasibətlərin idarə edilməsi
- AML/KYC, GDPR tələblərinə və yerli qanunvericiliyə uyğunluğun təmin edilməsi
- Fintech lisenziyalaşması, ödəniş sistemləri və elektron pul xidmətləri üzrə tənzimləyici məsələlərin həlli
- Daxili uyğunluq siyasəti və prosedurlarının işlənib hazırlanması
- Qüvvəyə minmiş yeni normativ-hüquqi aktlar barədə müvafiq əməkdaşların vaxtında məlumatlandırılması
- Məhkəmə instansiyalarında, dövlət hakimiyyəti orqanlarında, ictimai qurumlar və üçüncü şəxslər qarşısında şirkətin hüquq və mənafelərinin müdafiəsinin təmin edilməsi
- Şirkət tərəfindən verilən iddia ərizələrinin, şirkətə qarşı yönəlmiş iddialara cavabların, etirazların və məhkəmə qərarlarına şikayətlərin hazırlanması
- Hüquqi risklərin aşkarlanması, təhlili və minimuma endirilməsinə yönəlik strategiyaların hazırlanması
- İnvestor, tərəfdaş və müştərilərdən daxil olan şikayət və sorğuların araşdırılması
- Struktur bölmələrin fəaliyyəti çərçivəsində meydana çıxan hüquqi məsələlərin qanunvericilik normalarına əsasən həll edilməsi
- Əmək mübahisələrinin hüquqi yolla həlli və intizam məsələlərinin idarə edilməsi
- Qanunvericilikdəki dəyişikliklərə operativ reaksiya verilməsi və şirkətin hüquqi mövqeyinin formalaşdırılması
Namizədə Tələblər
- Hüquq ixtisası üzrə bakalavr və/və ya magistr dərəcəsi (nüfuzlu ali təhsil müəssisəsi)
- Beynəlxalq hüquq normaları sahəsində yetərli biliyə malik olmaq
- Azərbaycan Respublikası Vəkillər Kollegiyasının üzvü olmaq — üstünlük sayılır
- Hüquq sahəsində ən azı 6 illik peşəkar iş təcrübəsi
- Bank və ya kredit təşkilatlarında ən azı 2 il çalışmış olmaq
- Azərbaycan Respublikasının Mülki, Mülki-prosessual, İnzibati prosessual, Əmək və Cinayət yolu ilə əldə edilmiş əmlakın leqallaşdırılmasına, habelə terrorçuluğun maliyyələşdirilməsinə qarşı mübarizəyə dair qanunvericiliyi, eləcə də Mərkəzi Bankın normativ aktlarını dərindən bilmək
- Fintech, ödəniş sistemləri və elektron bank xidmətləri sahəsindəki tənzimləyici bazanı bilmək
- Beynəlxalq hüquq və ya maliyyə sertifikatları (CAMS, ICA Compliance) — arzu olunandır
Vakansiya Məlumatları
- İş rejimi: Tam ştat
- İş təcrübəsi: 5–8 il
- Təhsil səviyyəsi: Bakalavr
Vakansiya aktiv deyil, son elanlara aşağıdan keçid edin
