Bakı üçün baş aşpazın müavini vakansiyası elan olunur. Mətbəx idarəçiliyi, komanda ilə işləmək və qida keyfiyyəti sahəsində təcrübəsi olan namizədlər müraciət edə bilər.
Vəzifə haqqında
Wagamama 1992-ci ildə Londonda yaradılmış, Asiya mətbəxindən ilhamlanan beynəlxalq restoran brendidir. İnkişaf, komanda ruhu və yüksək qonaq xidməti dəyərlərinə önəm verən Wagamama Azərbaycan komandası üçün enerjili, məsuliyyətli və inkişaf etməyə həvəsli Sous Chef axtarır.
Bu rolun əsas məqsədi baş aşpazla sıx əməkdaşlıq edərək mətbəxin gündəlik işini, yeməklərin keyfiyyətini və komandanın inkişafını idarə etməkdir. Baş aşpaz olmadığı hallarda mətbəx komandasına rəhbərlik etmək və müəyyən edilmiş standartların qorunmasını təmin etmək nəzərdə tutulur.
Əsas vəzifə öhdəlikləri
- Mətbəxin gündəlik fəaliyyətini və servis prosesini səmərəli idarə etmək, pik saatlarda iş bölgüsünü düzgün təşkil etmək.
- Yeməklərin reseptə, dada, keyfiyyətə və təqdimat standartlarına uyğun şəkildə, vaxtında hazırlanmasını təmin etmək.
- Mətbəxdəki bütün stansiyaların bişirmə texnikalarını bilmək və bu bilikləri komanda ilə bölüşmək.
- Qida təhlükəsizliyi, gigiyena, allergen, sağlamlıq və təhlükəsizlik, eləcə də brend standartlarına riayət olunmasına nəzarət etmək.
- Yeni əməkdaşların adaptasiya və təlim prosesini təşkil etmək, komanda üzvlərinə mentorluq və geribildirim vermək.
- Baş aşpazla birlikdə müsbət və inklüziv iş mühiti yaratmaq, fərdi və komanda performansını idarə etmək.
- Məhsul sifarişlərini, gündəlik ehtiyat səviyyələrini və tullantıların uçotunu düzgün aparmaq.
- Ərzaq, əmək və digər mətbəx xərclərinə nəzarət etmək, qonaq rəyləri əsasında daimi təkmilləşdirmə aparmaq.
Tələblər
Bacarıqlar
- Güclü liderlik, komanda idarəetməsi və tapşırıqları düzgün bölüşdürmək bacarığı.
- Yüksək səviyyəli kulinariya bilikləri, bişirmə texnikaları və yemək təqdimatı üzrə təcrübə.
- Komanda üzvlərini öyrətmək, inkişaf etdirmək və motivasiya etmək bacarığı.
- Detallara diqqət, təşkilatçılıq və vaxtın düzgün idarə olunması bacarığı.
- Effektiv ünsiyyət, kouçinq, problem həll etmə və operativ qərarvermə qabiliyyəti.
- Gərgin və sürətli iş mühitində çevik işləmək, məsuliyyətli və nəticəyönümlü yanaşmaq.
- Biznes düşüncəsi və şəxsi-peşəkar inkişafa açıq olmaq.
Təhsil və iş təcrübəsi
- Kulinariya dərəcəsi və ya akkreditə edilmiş/təyin olunmuş kulinariya məktəbindən ekvivalent sertifikat tələb olunur.
- İngilis dili biliyi vacibdir (Intermediate səviyyə), çünki xarici təlimlərdə iştirak nəzərdə tutulur.
- Minimum 3-5 il aktiv kulinariya təcrübəsi.
- Minimum 2 il mətbəx komandasının idarə olunması təcrübəsi.
- Asiya mətbəxi təcrübəsi üstünlükdür.
Əməkhaqqı
Əməkhaqqı namizədin bilik və iş təcrübəsinə əsasən müəyyən ediləcəkdir: sabit əməkhaqqı və bonus.
Müraciət qaydası
Maraqlanan namizədlər Müraciət et düyməsində göstərilən linkə daxil olaraq müraciət edə bilərlər.
