Bakı şəhərində fəaliyyət göstərən şirkətimiz HR mütəxəssisi vəzifəsi üzrə namizəd axtarışındadır. Bu vəzifə kadr sənədləşməsindən tutmuş onboarding, işdən ayrılma prosesləri, təlim koordinasiyası və HR hesabatlarına qədər geniş əhatəli fəaliyyəti özündə birləşdirir. Namizəddən EMAS, İSB və 1C sistemlərində iş bacarığı, Azərbaycan əmək qanunvericiliyini praktiki səviyyədə bilmək və güclü sənəd intizamına sahib olmaq tələb olunur.
İş şəraiti
- İş yeri: Bakı şəhəri
- İş qrafiki: Həftədə 5 gün, tam iş günü
- Əmək haqqı: Namizədin təcrübə və bacarıqlarına görə müəyyənləşdirilir
Vəzifə öhdəlikləri
Kadr sənədləşməsi
- İşə qəbul, işdən azad etmə, vəzifə dəyişikliyi, əmək haqqı şərtlərinə düzəliş, ezamiyyət, məzuniyyət, intizam tədbirləri və digər kadr əməliyyatları üzrə sənədlərin hazırlanması
- Əmək müqavilələrinin və onlara edilən əlavə ilə dəyişikliklərin rəsmiləşdirilməsi
- İşçilərin şəxsi işlərinin formalaşdırılması, aktuallaşdırılması və arxivləşdirilməsi
- Ərizə, əmr, akt, arayış, razılıq sənədləri və digər aidiyyatı materialların hazırlanması
- Məzuniyyət cədvəllərinin tərtib edilməsi, məzuniyyət qalıqlarının izlənilməsi və uçotun aparılması
- İşçilər üzrə məlumat bazasının müntəzəm yenilənməsi
- Məxfilik və şəxsi məlumatların qorunması qaydalarına riayət edilməsi
Sistem idarəetməsi
- EMAS sistemində əmək müqavilələri və kadr əməliyyatlarının qeydiyyatının aparılması
- İSB və 1C proqramlarında HR məlumatlarının daxil edilməsi, yoxlanılması və uyğunluğunun təmin edilməsi
- Sistemlərdə aşkar edilən uyğunsuzluqların vaxtında həll edilməsi
- Audit və daxili yoxlamalar üçün tələb olunan məlumatların hazırlanması
Onboarding və adaptasiya
- Yeni əməkdaşlar üçün onboarding prosesinin planlaşdırılması və koordinasiyası
- İlk iş günü, ilk həftə və ilk ay üzrə adaptasiya mərhələlərinin izlənilməsi
- Sınaq müddəti boyunca işçilərlə müntəzəm əlaqənin saxlanılması və geri bildirimlərinin toplanması
- Sınaq müddəti qiymətləndirmələrinin sənədləşdirilməsi
İşdən ayrılma prosesinin idarə edilməsi
- İşdən çıxma prosesinin qanunvericiliyə və daxili prosedurlara uyğun həyata keçirilməsi
- Təhvil-təslim prosesinin koordinasiyası
- Çıxış müsahibələrinin aparılması və nəticələrin təhlil edilməsi
- Konfliktli ayrılma hallarının düzgün ünsiyyət və sənəd intizamı çərçivəsində idarə olunması
Əməkdaş bağlılığı və daxili kommunikasiya
- Motivasiya və tanınma proqramlarının hazırlanmasında iştirak
- Daxili tədbirlər, mükafatlandırma mexanizmləri və HR kampaniyalarının icrasına dəstək verilməsi
- Komanda mühitinin inkişafına və daxili kommunikasiya layihələrinə töhfə verilməsi
Təlim və inkişaf
- Təlim ehtiyaclarının müəyyənləşdirilməsi və təlim planlarının hazırlanmasına dəstək
- Daxili təlimlərin təşkili, iştirakçı qeydiyyatı və nəticələrin izlənilməsi
- Yeni işçilər üçün şirkət qaydaları, etik davranış prinsipləri və daxili prosedurlar üzrə məlumatlandırma sessiyalarının keçirilməsi
Hesabat və analiz
- İşə qəbul, işdən çıxma, kadr dövriyyəsi, məzuniyyət statusu, adaptasiya nəticələri və digər HR göstəriciləri üzrə hesabatların hazırlanması
- Excel-də məlumatların işlənməsi, cədvəllərin qurulması və müvafiq analizlərin aparılması
- Rəhbərlik üçün aylıq və rüblük HR xülasələrinin təqdim edilməsi
Namizədə tələblər
- HR sahəsində 3–5 il iş təcrübəsi
- Kadr uçotu və sənədləşmə üzrə praktiki bilik mütləq şərtdir
- Azərbaycan Respublikasının əmək qanunvericiliyini praktiki səviyyədə tətbiq etmək bacarığı
- EMAS, İSB və 1C proqramlarında işləmək bacarığı
- Microsoft Excel üzrə yetərli bilik səviyyəsi
- Azərbaycan dilində səlis yazılı və şifahi ünsiyyət
- Komandada işləmək və effektiv ünsiyyət qurmaq bacarığı
- Konfliktlərin idarə edilməsi və mediativ yanaşma bacarığı
- Dəqiqlik, məsuliyyətlilik, məxfiliyə riayət və yüksək sənəd intizamı
- Tapşırıqları müəyyən edilmiş müddətdə və lazımi keyfiyyətdə yerinə yetirmək bacarığı
Müraciət qaydası
Göstərilən tələblərə uyğun olduğunuzu düşünürsünüzsə, CV-nizi “HR mütəxəssisi” mövzu başlığı ilə elanda qeyd olunan elektron poçt ünvanına göndərə bilərsiniz.
