Bakı şəhərində fəaliyyət göstərən şirkətimiz Hüquq şöbəsinin müdiri vəzifəsi üzrə müraciətlər qəbul edir. Bu vəzifə korporativ hüquq, müqavilə hüququ və inzibati hüquq sahələrində dərin biliyə sahib, şöbə idarəetməsi təcrübəsi olan, nəticəyönümlü hüquq mütəxəssisləri üçün nəzərdə tutulub.
Vəzifə öhdəlikləri
- Şirkətin hüquqi fəaliyyətinin ümumi təşkili və hüquqi risklərin idarə edilməsi
- Fəaliyyət istiqamətləri üzrə hüquqi müşayiətin həyata keçirilməsi
- Korporativ, satınalma, xidmət, əməkdaşlıq, məxfilik, tərəfdaşlıq və digər müqavilələrin, memorandumların, əmrlərin, qərar layihələrinin, daxili normativ və digər hüquqi sənədlərin qanunvericiliyə uyğun hazırlanması, hüquqi ekspertizasının aparılması, razılaşdırılması və icrasına nəzarətin təmin edilməsi
- Müqavilələr üzrə hüquqi risklərin qiymətləndirilməsi və risklərin azaldılmasına dair təkliflərin işlənib hazırlanması
- Qüvvədə olan normativ hüquqi aktların təhlili və tətbiqi ilə bağlı hüquqi araşdırmaların aparılması
- Hüquqi rəylərin və prosessual sənədlərin tərtib edilməsi
- Dövlət qurumlarından və özəl strukturlardan daxil olan sorğu və məktublara cavabların hazırlanması
- Struktur bölmələrə hüquqi məsləhət və metodoloji dəstəyin göstərilməsi
- Hüquq şöbəsinin fəaliyyətinin idarə olunması, əməkdaşlar arasında iş bölgüsünün təşkili və nəticələrə nəzarət
- Qanunvericilikdəki dəyişikliklərin mütəmadi izlənilməsi və müvafiq tətbiqinin təmin edilməsi
- Daxili prosedur, əsasnamə və qaydaların hazırlanması və təkmilləşdirilməsi üzrə təkliflərin verilməsi
- Korporativ idarəetmə prinsiplərinin tətbiqinə hüquqi dəstəyin göstərilməsi
- Hüquqi hesabatların və rəhbərlik üçün analitik arayışların hazırlanması
Tələblər
- Hüquq ixtisası üzrə ali təhsil; magistr dərəcəsi üstünlük sayılır
- Azərbaycan dilində yazılı və şifahi ünsiyyət bacarığı — sərbəst səviyyədə
- Hüquq sahəsində 5-7 il, rəhbər vəzifədə isə 3-5 il iş təcrübəsi
- Dövlət qurumlarında iş təcrübəsinin olması üstünlük hesab edilir
- Korporativ hüquq, müqavilə hüququ və inzibati hüquq üzrə dərin nəzəri və praktiki biliklər
- Müqavilələrin hazırlanması və hüquqi ekspertizanın aparılması sahəsində əməli təcrübə
- Azərbaycan Respublikasının mövcud qanunvericiliyini yüksək səviyyədə bilmək
- Güclü idarəetmə, liderlik və komanda koordinasiyası bacarıqları
- Analitik düşüncə, hüquqi araşdırma və operativ qəraretmə qabiliyyəti
- Dəqiqlik, məsuliyyət və stresə davamlılıq
- Effektiv ünsiyyət və təqdimat bacarığı
- Peşəkar yanaşma və nəticəyönümlülük
- MS Office proqramlarında sərbəst işləmə bacarığı
İş rejimi və ünvan
- İş qrafiki: həftədə 5 gün
- İş saatları: 09:00–18:00
- Ünvan: N.Nərimanov rayonu, Əhməd Rəcəbli 1/3, Bakı
Vakansiya aktiv deyil, son elanlara aşağıdan keçid edin
