Hüquq şöbəsi üzrə Hüquqşünas-Baş Mütəxəssis vəzifəsinə işə qəbul elan olunur. Bakı şəhərində, ofis formatında, həftənin 5 günü saat 09:00–18:00 iş qrafikində fəaliyyət göstərəcək namizədlər axtarılır.
Namizədə Tələblər
- Təhsil: Hüquq ixtisası üzrə ali təhsil;
- İş təcrübəsi: Müvafiq sahədə minimum 3 il praktiki iş təcrübəsi;
- Dil bilikləri: Azərbaycan dilində şifahi və yazılı nitq mədəniyyətinə yüksək səviyyədə sahib olmaq;
- Kompüter savadı: MS Office proqramlarından sərbəst istifadə etmək bacarığı.
Digər Tələblər
- İşdə dəqiqliyə riayət etmək və detallara diqqət yetirmək qabiliyyəti;
- Komanda mühitində səmərəli işləmək bacarığı;
- Azərbaycan Respublikasının Konstitusiyasını dərindən bilmək;
- «Normativ hüquqi aktlar haqqında» Konstitusiya Qanununa yaxşı bələd olmaq;
- Azərbaycan Respublikası Prezidentinin 06 oktyabr 2023-cü il tarixli 2328 nömrəli Fərmanı ilə təsdiq edilmiş əsasnamələri bilmək.
Vəzifə Öhdəlikləri
- Normativ hüquqi aktların layihələrinin işlənib hazırlanmasında fəal iştirak etmək və onları rəsmiləşdirmək;
- Hüquqi sənədlər və layihələr üzrə əsaslandırılmış rəy və təkliflər formalaşdırmaq;
- Şöbəyə daxil olan müraciət və sorğulara qanunvericiliyin tələblərinə uyğun cavablar vermək;
- Satınalma müqavilələrinin hüquqi cəhətdən düzgün hazırlanmasını və tərtibini təmin etmək;
- Struktur bölmələrinin fəaliyyəti çərçivəsində yaranan hüquqi məsələləri mövcud qanunvericilik əsasında həll etmək;
- Dövlət qurumları və ictimai təşkilatlarla rəsmi yazışmaları aparmaq;
- Hüquqi xarakterli məktub, ərizə və şikayətlərə müəyyən edilmiş qaydada və müddətdə cavablar hazırlamaq.
