İstehsalat sahəsində fəaliyyət göstərən şirkətimiz SƏTƏM üzrə mütəxəssis vəzifəsi üzrə namizədlərin müraciətlərini qəbul edir. Bu vəzifə əməyin mühafizəsi sisteminin idarə edilməsi, əmək təhlükəsizliyi qaydalarına uyğunluğun təmin edilməsi və istehsalatda risklərin minimuma endirilməsi sahəsində bilik və təcrübə tələb edir.
Vəzifə və öhdəliklər
- İstehsalatda əməyin mühafizəsi işinin təşkili və əlaqələndirilməsi;
- İşçilərin əməyin mühafizəsinə dair qanunvericilik və normativ hüquqi aktlara riayət etməsinə nəzarətin həyata keçirilməsi;
- İstehsalatda bədbəxt hadisələrin profilaktikası və əmək şəraitinin təkmilləşdirilməsinə yönəlmiş tədbirlərin hazırlanması;
- İş yerlərində təhlükəsiz əmək mühitinin yaradılması və işçilərin müvafiq qaydada təlimatlandırılması;
- Yeni işçilərə əməyin mühafizəsi üzrə giriş təlimatlarının keçirilməsi;
- Sağlamlıq, Əməyin Təhlükəsizliyi və Ətraf Mühit (SƏTƏM) mövzusunda mütəmadi təlimlərin təşkili və aparılması;
- Baş vermiş bədbəxt hadisələrin təhqiqatında iştirak, peşə xəstəliklərinin və hadisələrə səbəb olan amillərin müəyyənləşdirilməsi, təkrarlanmanın qarşısının alınması üçün tədbirlər planının hazırlanması və bu planın icrasına nəzarətin təmin edilməsi.
Namizədə olan tələblər
- Ali təhsil;
- Əməyin mühafizəsi və ya əlaqəli sahədə 3-5 il iş təcrübəsi;
- MS Office proqramları, xüsusilə MS Excel üzrə peşəkar səviyyədə biliyə malik olmaq;
- Stressə davamlılıq, məsuliyyətlilik və dəqiqlik.
İş şərtləri
- Azərbaycan Respublikasının Əmək Məcəlləsinə uyğun rəsmi sənədləşmə;
- İşçi və ailə üzvləri üçün tibbi xidmətlərdən güzəştli istifadə imkanı;
- Əmək haqqı müsahibə nəticəsində razılaşdırılır;
- Şirkət daxilində təlim və peşəkar inkişaf imkanları.
Vakansiya aktiv deyil, son elanlara aşağıdan keçid edin
