Bakıda fəaliyyət göstərən şirkət Tinda SFA və Mikro ERP sistemləri üzrə texniki dəstək və müqavilə idarəetməsi sahəsində mütəxəssis axtarır. Vəzifə FMCG sektorunda sahə satışını dəstəkləyən rəqəmsal alətlərin fasiləsiz işləməsini, istifadəçilərin onboardinqini və ERP-də müqavilə məlumatlarının dəqiqliyini əhatə edir.
Vəzifə öhdəlikləri
A. Texniki Dəstək — Tinda SFA
- Sahə nümayəndələrinin SFA tətbiqindəki xətalarını — məhsulun görünməməsi, qiymət uyğunsuzluğu, sifarişin qeydə alınmaması, tətbiqin işə düşməməsi — qəbul etmək, prioritetə görə qruplaşdırmaq və həll etmək
- Yeni istifadəçi hesablarını açmaq, nümayəndə, merçandeayzer və supervisor rolları üçün icazə parametrlərini təyin etmək; işdən ayrılan əməkdaşların hesablarını vaxtında bağlamaq
- Məhsul kataloquna yeni SKU-lar əlavə etmək, mövcud məhsulların statusunu — aktiv, deaktiv, mövsümi — yeniləmək
- Müştəri və ticarət nöqtəsi kartlarını SFA-da yaratmaq; ünvan, coğrafi bölgü və marşrut məlumatlarının doğru əks olunmasını təmin etmək
- SFA ilə Mikro ERP arasındakı sinxronizasiya problemlərini ilk səviyyədə araşdırmaq; həll edilə bilməyən hallarda texniki komandaya eskalasiya etmək və prosesin sonuna qədər izləmək
- GPS doğrulama qaydaları, ziyarət axışı və sifariş konfiqurasiyası kimi funksional parametrləri sistem tələblərinə uyğun qurmaq
B. İstifadəçi Onboardinqi və Təlim
- Yeni işə qəbul edilmiş satış nümayəndələri və merçandeayzerlər üçün Tinda SFA üzrə fərdi təlimlər keçmək — sifariş yaratma, ziyarət qaydaları, iade prosesi və hesabat
- Addım-addım video bələdçilər, ekran görüntülü təlimatlar və FAQ sənədləri hazırlamaq; sistem yeniləndikdən sonra bu materialları aktuallaşdırmaq
- Mövcud istifadəçilər üçün yeni funksionallıqlar barədə qrup məlumatlandırma sessiyaları təşkil etmək
- Ən çox təkrarlanan dəstək sorğularını təhlil edərək profilaktik təlim məzmunu hazırlamaq
C. ERP Müqavilə Daxiletməsi — Mikro ERP
- ƏT məhsulları isti satış kanalı üzrə bağlanan müştəri müqavilələrini imzalanmadan sonra 24 iş saatı ərzində ERP-ə daxil etmək
- Müqavilə şərtlərini — qiymət siyahısı, ödəniş müddəti və üsulu, endirim və bonus strukturu, çatdırılma rejimi — tam və dəqiq şəkildə əks etdirmək
- Yeni müştəri kartlarını ERP-də açmaq; mövcud kartlardakı ünvan, əlaqə və kateqoriya məlumatlarını yeniləmək
- İmzalanmış əlavə müqavilələri və şərt dəyişikliklərini vaxtında ERP-ə köçürmək; dəyişiklik tarixlərini sənəd əsasında doğrulamaq
- Bağlanan müqavilələrin fiziki nüsxələrini şirkətin arxiv qaydasına uyğun saxlamaq; elektron nüsxələri müəyyənləşdirilmiş qovluq strukturuna yerləşdirmək
D. Nəzarət və Monitorinq
- Daxil edilmiş müqavilələrin həftəlik yoxlamasını aparmaq; qiymət, endirim və müddət sahələrindəki xəta və boşluqları aşkar edərək düzəltmək
- ERP məlumatlarının SFA kataloqu ilə uyğunluğunu müntəzəm yoxlamaq; qiymət və məhsul kənarlaşmalarını müvafiq şöbəyə bildirmək
- Müddəti bitməsinə 30 gün qalmış müqavilələr üçün kommersiya şöbəsinə yazılı xəbərdarlıq göndərmək
- Aktiv müqavilələrin siyahısını, bitmə tarixlərini və uzatma statusunu əks etdirən aylıq hesabat hazırlayıb rəhbərliyə təqdim etmək
- SFA-da anomaliyaları — uzun müddət ziyarət edilməmiş nöqtələr, kəsilmiş marşrutlar, sıfır sifariş — aşkar edərək kommersiya rəhbərliyinə çatdırmaq
Tələblər
- ERP sistemi ilə aktiv iş təcrübəsi — minimum 1 il
- Mikro ERP üzrə birbaşa iş təcrübəsi
- Tinda SFA və ya oxşar sahə satış tətbiqi ilə tanışlıq
- FMCG və ya pərakəndə ticarət sektorunda iş təcrübəsi
- Microsoft Excel — orta səviyyə: VLOOKUP/XLOOKUP, pivot cədvəl, şərtli formatlaşdırma
- Mobil tətbiqetmə istifadəçi idarəetməsi və konfiqurasiyasını başa düşmə
- Müqavilə mətnini oxuyaraq əsas ticarət şərtlərini müstəqil müəyyən edə bilmə
- Azərbaycan dili
İş şərti
- Məşğulluq növü: Tam ştat
Vakansiya aktiv deyil, son elanlara aşağıdan keçid edin
